د دوبئ جایزې د قرآن د نړیوالو سیالیو په اته ویشتم پړاؤ کې ۸۵ هیوادونه برخه اخلي

ایکنا – د دوبې جایزې د قرآن نړیوالو سیالیو ترسره کونکي کمیټې  په ۲۰۲۶کال کې ددغو سیالیو په اته ویشتم پړاؤ کې د ۸۵ هیوادونو د ګډون خبر ورکړ.

ایکنانیوز د البیان له قوله راپور راکړ، د دوبئ د اسلامی  چارو او د خیریه فعالیتونو د ادارې عمومی مدیر او د  دبئ جایزې د قرآن د سیالیو د کمیټې  مشر احمد درویش المهیري  په دې باب ووئيل؛ د هغو کسانو شمیر چې  په دغو سیالیو کې ئې د ګډون  غوښته کړې ده ، له ۸۵ هیوادونو څخه څه د پاسه درې زره څلورسوه  کسانو ته رسیدلی دی چې په نړۍ کې ددغې جایزې د ځائيګی  او په هغو کې د ګډون لپاره دهڅې ښودنه کوي.

هغه ووئيل؛ دغه شمیر له تیرو پړاؤنو سره په پرتله کې  ریکارډ مات کړ او  دهغه کړچار نتیجه ده چې  د جایزې د سیالیو د ترسره کونکي مسئولان ئې   له درستې نړۍ څخه دګډون کونکو د شمیر د زیاتولو لپاره تعقیبوي.

المهیری روښانه کړې ده ، دلومړي ځل پاره  په دغې مرحلې کې دمیرمنو په ځانګړې ډلې کې د نامو لیکل پیل شوي دي او په دغو شخصي او مستقیمو  سیالیو کې ګډون ، د ګډون کونکو کسانو د هیواد  یا د معتبر اسلامی مرکز له خوا معرفي کولو  ممکن دی.

هغه ټينګار  وکړ، د دبئ  جایزې د قرآن نړیوالې سیالۍ  په الهي عنایت او د نړیوالو سیالیو د یوې ترټولو مهمې سیالۍ په توګه د دبئ دحاکم په ملاتړ  سره به د خدای د کتاب په خدمت کولو کې د اماراتو پر ځائيګي د ټينګار او د قرآن د حافظانو د ستاینې او قدرونې لپاره خپل فعالیتونو ته دوام ورکړي.  

د دبئ د جایزې د قرآن نړیوالو سیالیو مدیر ابراهیم جاسم المنصوری  هم په دې باب ووئيل؛ د دوبئ جایزې د پلاوي  له خوا د سیالیو د قاضیانو کمیټې د دقیقو معیارونو په اساس ټاکل کیږي څو د ګډون کونکو په ارزونې کې عدالت رعایت شي.

هغه زیاته کړې ده ، دغه کمیټي به همدارازد ګډون کونکو ارزونه د تجوید(قرائت)،حفظ  او په ښه ډول  ئې ادا کول  د مشخصو ضوابطو او معیارونو په اساس ترسره شي.

ددغه راپور په اساس ، ددغو سیالیو لپاره څه دپاسه دولس میلیون اماراتي درهم بیل کړئ شوي دي چې  د میرمنو او سړیو د  د مختلفو څانګو لومړي مقام ګټونکي  ته به یو میلیون ډالر  او  د سیالیو د کال اسلامی شخصیّت ته به  هم یو میلیون ډالر ډالۍ شي.

https://iqna.ir/fa/news/4290828